ഇഷ്കെ ദാരിയാന്‍

മഹാക്ഷയ് ചക്രവര്‍ത്തിയും എവിലിന്‍ ശര്‍മ്മയും കേന്ദ്ര കഥാപാത്രങ്ങളായി 2015ൽ പുറത്തിറങ്ങിയ ഒരു പ്രണയ ചിത്രമാണ് ഇഷ്കെ ദാരിയാന്‍. തന്‍റെ മുത്തച്ഛന്‍റെ സ്കൂളിനുവേണ്ടി പണമുണ്ടാക്കുവാന്‍ ശ്രമിക്കുന്ന ലൂവ്ലീന്‍ എന്ന യുവതിയായ ടീച്ചറുടെ കഥയാണ് ചിത്രം പറയുന്നത്. അവളെ കോടീശ്വരിയാക്കാം എന്ന വാഗ്ദാനവുമായി ആകാം എന്ന ഒരു യുവാവ് എത്തുന്നു. തുടർന്ന് അവര്‍ സുഹൃത്തുക്കളാകുന്നു. അയാ‍ൾ ലൂവ്ലീനിനെ സ്നേഹിക്കുന്നു. അവള്‍ ആ സംഗീതജ്ഞനിൽ അനുരക്തയാകുന്നു. ആകാം ലുവ്ലീനെ ഉപാധികളൊന്നുമില്ലാതെ സ്നേഹിക്കുകയും അവളുടെ സ്വപ്നം സാക്ഷാത്ക്കരിക്കുന്നതിന് അവളെ സഹായിക്കുവാന്‍ തീരുമാനിക്കുന്നു.