ഹേയ് ജൂഡ്

നിവിന്‍ പോളിയെ നായകനാക്കി ശ്യാമപ്രസാദ് സംവിധാനം ചെയ്ത് 2018ൽ പുറത്തിറങ്ങിയ ചിത്രമാണ് ഹേയ് ജൂഡ്. തമിഴകത്തിന്റെ സ്വന്തം താരറാണിയായ തൃഷ ആദ്യമായി മലയാളത്തിലെത്തുന്ന ചിത്രമെന്ന പ്രത്യേകതകൂടി ഈ സിനിമയ്ക്കുണ്ട്. ലളിതവും വളരെ വ്യത്യസ്തതയുള്ളതുമായ പ്രണയ കഥയാണ് ഹേയ് ജൂഡ്. ഫോര്‍ട്ട് കൊച്ചിയിൽ താമസിക്കുന്ന ഒരു ആംഗ്ലോ ഇന്ത്യന്‍ ക്രൈസ്തവ കുടുംബത്തിന്റെ കഥകൂടിയാണ് ഈ സിനിമ. പെരുമാറ്റവൈകല്യമുള്ള ഒരു യുവാവാണ് ജൂഡ്. തന്റെ ആന്റിയുടെ മരണവുമായി ബന്ധപ്പെട്ട് ഗോവയിലേയ്ക്ക് വരുന്ന ജൂഡിന്റെ സ്വഭാവ വ്യതിയാനങ്ങളിലൂടെയാണ് ഈ ചിത്രം മുന്നോട്ട് പോകുന്നത്. സിദ്ധിഖ്, വിജയ് മേനോൻ, അജു വർഗ്ഗീസ് , നീനാകുറുപ്പ് തുടങ്ങിയവരും ഈ ചിത്രത്തിൽ പ്രധാന കഥാപാത്രങ്ങളായി എത്തുന്നു.